ولد في روضــه سدير عــام 1353هـ
ألفية أحمد الدامغ في سدير
الف اولف في هل الجود والخير
***************مثايل كالبر ماحلط بشـــــعير
الفــيه نظمتها في هل ســدير
***************اهل السماحه والسخا والسعاده
الباء بديت ابعد هاك القـــــــرايا
***************بادٍ من الزلفــــي وذيك النحايا
واجنب يم مليح فوق المـــــطايا
***************وقطعت يم الغاط جال الحماده
والتاء تراني صوب حرمه توجهت
***************وفي المجمعه وهي المدينه تريحت
والصبح للعمار والخيس سندت
***************ثم حــــصلي في الرويضه هواده
والثاء ثبت شوفي وحق الفروثي
***************عقــب مرور اجوى فوق الحثوثي
جمسٍ جديد للصياهد بحـــــوثي
***************يقبـــــل من البنزين كـل الزياده
والجيم جيت او شي واشربت من ماه
***************وحدرت لجلاجل ودوجت في حماه
ويومي ركبت الخط واخذت ملواه
***************والي القرايا تلهٍ في امــــتداده
والحا حلالي وقفه في التويمي
***************مقدار ثم جيت للعدو مومــــي
عقبه لفيت الداخله عصر يومي
**************ثم لحقن الشمس مشي سناده
الخا ختمت اليوم وسط المعشبه
**************في راس وادي سدير ديره واحسبه
ومع طلعت الشمس وتصافق مهبه
**************حدرت مع وادي الفقي بالهيـــاده
الدال دربي صار سمحٍ وتوقفت
**************وقبل الظــــهر في روضه سدير دوجت
وبان الحصون ورحت مع ماتقاصرت
**************مابينهن الا القـــــرى وارتــداده
الذال ذيك المباني على الخط
**************حوطه سدير ومقبله به توسط
وعنها الجنوبيه جنوب تقلط
*************وشرقيه العطار بارضٍ شـــداده
والرا رفعت الطرف من موقفٍ لي
**************والى الجنيفي عن يسار ظهر لي
ثم ركبت الخــط للعــــوده اللي
**************في اسفل شعيب سدير مثل السداده
الزاء زميت خزه وعنها تياسرت
**************خليتها خلفي او بالــــدرب قبلت
ولاحت عشيره فوق ضلعٍ تعلت
**************ومابينها وبين الخطامـــه رهاده
والسين سرت من الخطامه شمالي
**************لتمير ومبايض او بوضه لـــحالي
مابي خوي ولادليل اســــــــالي
**************كل بخيــــص بمســــالك بــلاده
الشين شارات الوفا بالاجاويد
**************اللي منازلهم مضيف القواصيد
وان طالهم معروف فهم المحاميد
**************ومايدفنون الطيبه بالجحــــاده
الصاد صار سدير للطيب منبع
**************من قبل عمرو للكرم فيه مرتع
قبل النبوه به للامجاد مربع
**************مرابع السادات واهل السياده
الضاد ضم سدير نخبه رجاجيل
**************والطيب مورث الجيل بعد جـــيل
ياما برز منهم رجالٍ حلاحــــيل
**************فيهم لعضلات المشاكل حداده
والطا طريف الناس واللي دوينه
**************واللي عن المعروف يغضي ابعينه
ماتاجده بسدير قولٍ رسيني
**************ماتاجــــده الا محسنسن الوفاده
الظا ظماء كبد المعادي هل سدير
**************ذا الشئ مــــايبغى دليل وتفسير
تاريخهم له في الصحايف اساطير
**************يشع نور بين الاســــطر مـــــداده
العين عادات الجمايل والاحسان
**************موجوده في سدير في كل الازمان
عرِفوا بها في نجد من بد الاوطان
**************طبعٍ تحلوا فــيه ولاهــــوب عــــاده
الغين غملول من ادناه لاقصـــــاه
**************جنه نعيمٍ حـــطها الله فــي حماه
مثل الحسا تمره وماه وتهـــاياه
**************وفي الجود ماله من يلادي جواده
الفا فلاليحه محاميد عشـــــره
**************الناس معهم في المحاصيل خشره
وقت الدواس وحين ينبذ تمره
**************تحلف فــــلا فيــــهم محـــيج إلزاه
القاف قول الناس اجيره هل سدير
**************رمز التعون والتآخي مع الغـــــير
الى اشتغل يعطي جزاك الله الخير
**************واللي يفوز ابها من الله سعاده
الكاف كاس الود من بينهم دار
**************حلوٍ لذيذ صافي مابه اكـــــــدار
هذا يسوقه يم هذا بمقــــدار
**************عن طيب نفس ماختلط بالنكاده
اللام لو في الطيب ناس تبارى
**************فازوا وصــــــاروا من خيار الخيارى
نقوه حرار من مواكر حـــــرارى
**************والحـــر يعجب صاحبه في هداده
الميم محدٍ بالمقاضا نفلـــــهم
**************في الطيب بس وغير ذا ماشملهم
وطيش الحمق للجهل ماقد حملهم
**************حتى ولــــو زاد الحــمق في عناده
النون نعمٍ بالفعل كاســـــبينه
**************اجــــــدادهم لابوانــــهم مورثينه
واليوم عرفوا به وهم زارعينـــه
**************لجيلٍ جـــــديد يهتني في حصاده
والها هوى بالي وغايه مرادي
**************شوفي اهالي سدير في كل نادي
يستاهلون المديح بيض الايادي
**************يـــستاهــــــلون الف والفٍ زيــــاده
الواو وادي سدير واسدير كله
**************ميدان حكــــمه والشعر مدهلٍ له
والعلم فيه ومنه رفرف ابظله
**************واهل النصف يدلون له بالشهاده
لام الف لاماخذ ولامعطى فيه
**************اسدير وحـــــده مابغيره اساويه
عندي وكل مسكنه حق يغليه
**************ويثني عليه ويــــفتخر في وداده
الياء يقول اللي صدق في مقاله
**************في الطيب راعي سدير خله لحاله
راعي القواله والكرم والجزاله
**************وترحـــــــيبهٍ بالضــــــيف تحيي فؤاده
تمت وصلى الله على خير هادي
**************اللي بعث يـــــهدي لـــدرب الرشادي
وينذر هل الاشراك واهل الفسادي
**************من ماقفٍ كل يحـــــــــصل حـــــصاده
